Skip to content
:וויאזוי ארבעט א דאטאבעיס
א דאטאבעיס איז א וועג צאמצוברענגען אסאך אינפארמאציע אויף גאר א מסודר’דיגן אופן, און אנדעם וואס די אלע אינפארמאציע זאלן קאנפליקטן איינס מיטן צווייטן
א דאטאבעיס באשטייט פון אסאך רעקארדס, אין אונזער פאל - ניגונים. יעדע ניגון פארמאגט זיין אייגענעם אידענטיטעט, און יעדע ניגון קען באקומען פארשידענע טעגס און ווערן גרופירט מיט אנדערע ניגונים אויף פארשידענע אנדערע וועגן אין די זעלבע צייט
מ’קען פארבינדן אלע ניגונים פונעם זעלבן מחבר אויף איין בלאט, אלע ניגונים מיט די זעלבע ווערטער אויף א צווייטן בלאט, און אלע ניגונים מיטן זעלבן ריטעם אויפן דריטן בלאט. בשעת ווען אלע פון זיי פירן צו די זעלבע ניגונים, נאר פון אנדערע וועגן
איר קענט זיך באנוצן מיט די פארמס און צולייגן צום סיסטעם א ניגון, א מחבר, ווערטער, א פיוט אויף וואס מ’קען זינגען ניגונים, אדער א נייע סארט קאלעקשן פון ניגונים, און אין יעדע פון די פארמס קענט איר אויך צולייגן טעגס בנוגע די זאך וואס איר האט צוגעלייגט
ווען איר לייגט צו א ניגון און איר וועלט אויס א טעג, צום ביישפיל א בעל מחבר, ווערט דער מחבר פארצייכנט צו דעם ניגון, און גלייכצייטיג ווערט אינעם מחברים בלאט אויטאמאטיש אויך צוגעלייגט דער ניגון צו די ניגונים פון דעם מחבר. און אזוי אויך וועלן אלע אנדערע טעגס וואס איר לייגט צו צום ניגון, ווערן אפדעיטעד אין די אנדערע בלעטער וואו עס איז נוגע
די זעלבע פארמס מיט וואס מ’קען צולייגן נייע זאכן, דינען אויך צו פארריכטן און צוצולייגן אינפארמאציע צו עקזיסטירנדע זאכן. מ’קען אינעם ניגונים פארם אויך אויסוועלן א עקזיסטירנדן ניגון און צולייגן צו דעם א מחבר אדער אנדערע אינפארמאציע, און אזוי אויך קען מען גיין צום מחברים פארם און אויסוועלן א געוויסע מחבר און צולייגן צו דעם ניגונים אדער אנדערע אינפארמאציע. און פונקט ווי פריער, וועט אויטמאטיש ווערן אפדעיטעד אלע אנדערע אינפארמאציע, אפגעזען פון וועלכע וועג איר האט דאס צוגעלייגט
דאס מיינט אז אויב ווילט איר צולייגן א געוויסע ניגון וואס געפינט זיך שוין אינעם סיסטעם צו א געוויסע מחבר פונעם סיסטעם, קענט איר אדער גיין צו די ניגונים פארם און אויסוועלן דעם ניגון און צולייגן צו דעם א מחבר, אדער קענט איר גיין צו די מחברים פארם און אויסוועלן דעם מחבר און צולייגן צו דעם דעם ניגון. ביידע מהלכים וועלן אייניג ארבעטן און צולייגן אלע אינפארמאציע אויף ביידע פלעצער
אבער אויב ווילט איר צולייגן א ניגון פונעם סיסטעם צו א נייעם מחבר וואס איז נאכנישט אינעם דאטאבעיס, דאן וועט איר דארפן גיין דוקא צום מחברים פארם כדי צו קענען צולייגן א נייעם מחבר, און דארט וועט איר קענען צולייגן דעם ניגון צום מחבר. און די זעלבע איז מיט אלע אנדערע סארט אינפארמאציע
אויב ווילט איר צולייגן א נייע ניגון צום סיסטעם וואס איז פון א מחבר וואס איז אויך נאכנישט אויפן סיסטעם, דאן וועט איר דארפן ערשט צולייגן איין זאך, צום ביישפיל דעם מחבר אן דעם ניגון, און הערשט דערנאך וועט איר קענען צולייגן דעם ניגון און צולייגן צו דעם דער מחבר וואס איז שוין יעצט אינעם סיסטעם
:אויסצומעקן אינפארמאציע פון א ניגון
א. עס איז נישטא קיין מעגליכקייט אויסצומעקן סיי וואס פונעם סיסטעם
ב. אויב באמערקט איר אז סיי וועלכע אינפארמאציע איז נישט ריכטיג, ביטע לאזט א קאמענט אויף יענעם בלאט און די עדיטערס וועלן עס פארעכטן ביים ערשטן געלעגנהייט
:צוצולייגן אינפארמאציע צו א ניגון
ב. אנשטאט אריינצושרייבן א נייעם ניגון, וועלט אויס אינעם דערנעבנדיגער פיעלד צו וועלכע ניגון צוצולייגן די אינפארמאציע
ג. פולט אויס דעם פארעם. איר קענט אויספילן אויך בלויז אייניגע פיעלדס
ד. אלע אינפארמאציע וואס איר האט צוגעלייגט וועט אויטמאטיש ווערן צאמגעשטעלט מיט די איבריגע אינפארמאציע וואס מיר האבן שוין אויף דעם ניגון
ה. איר מוזט נישט איבערקוקן וועלכע אינפארמאציע מיר האבן שוין. דער סיסטעם פילטערט אויטאמאטיש ארויס סיי וועלכע דאפלטע אינפארמאציע
ו. סאבמיט דעם פארעם
ז. דער ניגון איז אויטאמאטיש געווארן אפדעיטעד מיט אייער אינפארמאציע! (עס קען נעמען ביז 60 סעקונדעס)
:צוצולייגן א ניגון צום דאטאבעיס
א. גייט צום בלאט און מאכט זיכער אז דער ניגון איז טאקע נאכנישט אינעם דאטאבעיס. (צוצולייגן אינפארמאציע צו אן עקזיסטירנדע ניגון, זעט דעם קומענדיגן קעסטל)
ג. אינעם ערשטן פיעלד שרייבט אריין דעם נאמען פונעם ניגון (שרייבט נישט בלויז ‘ניגון התעוררות’ אד”ג, נאר רופט עס אויפן נאמען פונעם מחבר אדער חסידות און אויפן פיוט אויף וואס עס ווערט געזינגען, צום ביישפיל ‘ממקומך - סאטמאר’)
ד. פולט אויס דעם פארעם (פרובירט אויספילן דאס מערסטע אינפארמאציע וואס שייך)
ה. לייגט צו רעקארדירונגען און פיילס
ו. דרוקט סאבמיט
ז. דער ניגון איז אויטאמאטיש געווארן צוגעלייגט צום דאטאבעיס! (עס קען נעמען ביז 60 סעקונדעס)
:צו באקומען עדיט עקסעס און ארויסהעלפן אויף א ברייטערע פארנעם
א. כדי צו קענען עדיטן דארף מען עפענען דעם ארגינעלן לינק צום דאטאבעיס
ג. דרוקט אויבן רעכטס צו רעגיסטרירן אייער אקאונט
ד. דרוקט אויבן רעכטס צו ריקוועסטן פאר עדיט עקסעס
ה. איר וועט באקומען אן אימעיל ווען אייערע רעכטן זענען אפדעיטעד
ו. איר קענט יעצט טוישן די אינפארמאציע דירעקט אויף סיי וועלכן בלאט
:צו קאמענטירן אויף סיי וועלכן בלאט
א. כדי צו קענען קאמענטירן דארף מען עפענען דעם ארגינעלן לינק צום דאטאבעיס
ג. דרוקט אויבן רעכטס צו רעגיסטרירן אייער אקאונט
ד. יעצט קענט איר אריינגיין אין סיי וועלכן ניגון אד”ג און שרייבן קאמענטס
ה. אלע רעגיסטרירטע באזוכער וועלן קענען זען אייערע קאמענטס
ו. נאכדעם וואס אייער פארשלאג איז מסודר, וועט אייער קאמענט ווערן אויסגעמעקט דורך די עדיטערס
Want to print your doc?
This is not the way.
This is not the way.
Try clicking the ⋯ next to your doc name or using a keyboard shortcut (
CtrlP
) instead.